In un baretto una domenica mattina al Piano Alto.
- ‘Npari c’aviti, zuppiati?
- ‘Nterra avia finutu se nun’era a bbraccettu ri mo nora. Truppicai a via Domenico Cirillo, propriu ravanti a casa ro sinnicu.
- Assittativi, iu mi staiu arricriannu cu na scaletta ‘nzuppata na granita. Chi ti puozzu offrire ppi nun pinsarici chiù?
- ‘ncafè, mo pigghiu volentieri.
Melo si siede di fronte a Turi e aspetta il caffè in silenzio, ma è solo un momento…
-
- Turi, ma cettu ca stu sinnicu è propiu scassu. N’ha fattu stari misi e misi ammienzu o pruvulazzu e mi fa sti strati ca sunu già na schifezza: i mattuna sautaru e chiddi ca nun sautunu sunu allascati e sprufunnati.
- Melo, ri esseri scassu, è scassu ma io m’agghiu fattu na dumanna a cui nun sacciu rispunniri.
- Curiusu sugnu, parra.
- Ma stu sinnicu è scassu ppe cosi c’ha fattu o è ciù scassu ppe cosi ca nun ha fattu?
-
- Minghia chi dubbiu ‘mleticu c’aviti. Facitimi capiri.
- Mi spiecu. U viriemu tutti ca i cosi c’ha fattu fannu schifu. Ma i cosi ca nun ha fattu sunu veramenti gravi. Ti pari ggiustu ca scassau u cianazzu e nun ha approfittatu pi fari a fugnatura e i tubi ri l’acqua? Già s’anu avutu i primi rutturi. I tubi su tutti fraciti.
- ‘npari aviti postu nu dubbiu veramenti ‘nportanti. Mi stati faciennu arriuddari chiddu ca m’a ddittu mo jennuru ca ciavi na casa a balata.
- E chi vi rissi?
- Mi rissi ca u mari fa schifu picchì u depuratori nun funziona.
- E vostru jennuru comu u sapi?
- Iu nun ni capisciu, vi ripetu pari pari chiddu ca mi rissi: un depuratore produce fanghi. E da anni che non si viri ‘n camion ca pigghia sti fanghi e li trasporta dove vengono trattati. Se nun lievunu sti fanghi, vuol dire ca u depuratori non funzione e tutta a fitinzìa finisci a mare.
- Ecco picchì i ma niputi mi rissunu ca u mari a Malacala è cinu ri scumazza grigia e puzzolente.
- Malacala. Ma nun’aviti ‘ntisu u ciauru ca c’è paisi paisi a fini r’austu? Fannu veniri turisti e poi ancora turisti ma i fugnaturi sunu ancora chiddi ro tiempu re canonici ri lignu. S’antuppunu, si rumpunu e a fitinzìa…E ddiri ca sti cosi succierunu tutti l’anni. Ma nissunu cio rici a stu sinnicu ca a prima cosa ppe residenti e ppe turisti sunu i servizi?
- U sapi, u sapi ma nun senti a nuddu. A nuddu.
- Ppi nun parrari ra mancanza r’acqua. Austu è tragicu ppi cu sta a Santa Caterina. L’acqua, quannu arriva, scurri a pipiu.
- Cettu ana pinsari e negozi e bar e ristoranti, ca nu jornu si e l’autru puru restunu a-ssiccu.
- Basta ‘npari ora mi ni vagghiu, c’è mo mugghieri ca m’aspetta. Vi salutu riciennuvi ca stu sinnicu nun è scassu, ma è scassu scassu ‘ppe cosi ca ha fattu, e scassuni ppi chiddi ca nun ha fattu.
- Ti vuogghiu ca saluti.
- Ti salutu e sta attentu a nun truppicari.
Bertoldo
Facebook Comments Box
